[جبار بن عابر]

لا يطول غيابك ثم اخذ عليه

لو تخليت عني عنك قلبي تخلى

العذر والتعلل والحكي ما نبيه

من تحرك فواده بالهوى ما تغلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقى نحتريه

ما بي دموعك اللي عقب موتي تهلا

ما بقى بالعمر مقدار ما راح فيه

كل ما زل يـوم يوم بالعـمر ولى

ما يعرف الجمر مثل الذي يكتويه

احد يدفا بناره واحد فيه يتصلى

يا من القلب حطيته براحة يديه

ما رضى له مكان غير كفك محلا

كم تعذر وعيا عن هوى مهتويه

لين طاح بيمينك بالغرام وتجلى

لاانني لاأمـــل من الشعر المُــــعبر , مررت من هــنا ..

حيث اجــد المتعــه عند قراتــي لمثل هذا الكلام المُــــغنى والذي اسرح معه واحــلق بعيدااا

اشكــــر كل من تلطف بالمرور وارجو ان اكون انتقي من الكلام مايليق لانظاركــم ويرقى لذائقتكــم ,,,,