سلامة الجعفري
ياصالح السالم تفضل هنيا= الدرب قدامك وانا اقول هيا
لو الثرى ماهو بمثل الثريا = الله يعين الصابر الله يعينه
مرحبا ياولد سالم وجب ماتجيب = ماتجود الرجال الا بماجودها
راعي الدار دايم للندا يستجيب = مد لي في يمين ٍ ماطلع جودها
صالح السالم
اتي على الدعوه ولاني بهارب=كم لي ونا لي بالمواقف تجارب
ان جيت تبغى سلم والا محارب =الله يعين الصابر الله يعينه
البقاء فيك والهقوه تصيب وتخيب=وكل ناسٍ مكاسبها بمجهودها
انتظر منك خير وجبت شيٍ غريب =ما بقى الا تثور ملح عبرودها
سلامة الجعفري
والنعم في شخصك على كل حزه = لكن لي وجهة نظر مستفزة
جمع ورق شعرك وبالنار وزه = الله يعين الصابر الله يعينه
ماللانسان في دنياه غير النصيب = لايهقوي بنفسه غير بحدودها
ماتصيب الهدف لكن حنا نصيب= شوف دولتك كل ٍ يغزي حدودها
صالح السالم
شاعر قبل تعرف وزون القوافي=يوم ان نورك بين الأجواد طافي
لا تحسب انك صرت شاعر خرافي =والله يعين الصابر الله يعينه
لانت مني بعيد ولانت مني قريب= بس الأجواد مبليه بمقرودها
والله الا تشيب قبل وقت المشيب =غزوتك غير تقسم قسم ما تعودها
سلامة الجعفري
(وزون) هذي قلنا باي قاموس = ياشاعر مافاده الوقت بدروس
الناس وصلت للقمر وانت منكوس = الله يعين الصابر الله يعينه
كان تبغى الحقيقه في كلام ٍ صليب = استمع كلمة ٍ مااريد مردودها
زعموك العرب من شان غزو الصليب = وانت حتى السوالف تجهل ردودها
صالح السالم
كلمه ولا تنقص من الكيل مثقال=تبغى تصيد ولا اتعرف كيف تحتال
النقد يبغى فكر يا طيب الفال =والله يعين الصابر الله يعينه
خاب ظني وانا ما كنت اظنه يخيب =ما اطيب العالم اللي تعرف احدودها
ما تزعمت كود اني على الغاب ذيب =يوم جينا احماها غابت اقرودها
سلامة الجعفري
مدام سجلت اعترافك بزله = ابعد عن اهل الشعر والشعر خله
كل ٍ على عرفه يميز محله = الله يعين الصابر الله يعينه
كيف ابزرع شجر في قاع ماهي خصيب = ماسقتها مزون ولانبت عودها
خذ وصية ترى بالحرب من ناخ صيب = يوم حنا عدانا تترك وعودها
صالح السالم
صاير بعصرك يا سلامه زناتي=لا يكون لك دجله ونهر الفراتي
خلك معي واظللك في عباتي =والله يعين الصابر الله يعينه
طيع رايي ترى هالراي فعلاً مصيب=لا يغرك كلام الناس ووعودها
احتمي في حمايه لا يجي لك نحيب = احرسك عن اسباع القاع وفهودها