[سعوط المجانين]

مساء الخير

ما يضحك الجاهل إلا من كثر جهله = لا زاد همك ترى ما للحكي داعي
غنى صبي القصيد.. وجاوبه كهله = والوقت يعصى شهر.. وسنين ينطاعي
لقيت قصر المديح.. ولا لقيت أهله = من جاك ينشد ترى ماهو بفزاعي
لو قال يمدي؟.. ترى ما للقدر مهله = لا الحظ يشرى.. ولا الأعمار تنباعي
ما هو بأنا اللي يعوّد حين ينده له = أصعب من اقفياتي لا أقفيت مرجاعي
يحق له.. يفرق اللحظه عن الوهله = دايم.. ولكن خطا لو يمدح أوضاعي
ويحق له ..لو يعاتبني على مهله = دايم ولكن خطا لو يلوي ذراعي
يا صاحبي والله ان المسأله سهله: = كل واحد ٍ شيخ .. صعب تحصل الراعي
ما يبكي العاقل إلا من قصر جهله = لا زاد همك ترى ما للحكي داعي

هلال المطيري