[خلف الغريب]

المشاركة الأصلية كتبت بواسطة محمد العاند

لو البحر ياخذ هموم المخاليق= نثرت همي فوق شاطيه كله
ياكثر ما سليت نفسي عن الضيق= اثره معي مثل المباري لظله
تمشي بي الدنيا علي غير ما اطيق= كن السعاده درب ماصرت ادله
واحيان تصفقني مع الوقت تصفيق=واعيش في صدمة حياةٍ ممله
شرعت بيبان الوفا للمواثيق= ولقيت بيبان الغدر مسفهله
وانا لو اني للغدر ناشف الريق= اموت حلقي بالردى ماأبله
( صحيح شي يشقق القلب تشقيق= لا شلت هم وصاحبه مافطن له )
صديق لكنه قليل توافيق= ذيب وخاوا له مع الدرب عله
اشعلت له شمعت وفا بالمعاليق= واقفيت عنه وخاطري فيه غله
ويلومني خبلٍ يحط المساحيق= مثل الفتاه الي بصدر المجله
هذاك ما طبعه طبوع المطاليق= وده ابطيني صاحبه واستغله
مايدري ان جبال نفسي شواهيق= ومعانقة صدر السحاب بمحله
تقراني حروف القصايد طواريق= ونفسي تحاسبني على كل زلة

[/poem]

الشاعر الكبير محمد العاند الفقير ...

لا املك هنا الا ان اقرأ القصيدة بصوت مرتفع حتى أستطيع التخلص من شعور غريب يتملكني عند قراءة قصائدك ..

كفو والله يا ابو طارق ..

مبدع الى مالا نهاية ولا يستغرب ذلك منك ..


( صحيح شي يشقق القلب تشقيق... لا شلت هم وصاحبه مافطن له )

اي والله صدقت يا محمد وعز الله القصيدة هذي ناتجة عن موقف حقيقي انتج لنا هذا الجمال الأخاذ..

وانا لو اني للغدر ناشف الريق...... اموت حلقي بالردى ماأبله

كفو والله يا ابن وايل .. قول وفعل

تحياتي ايها الجزل ..