احذر ترى الدنيـا تغـرك وتفتنـك=لأنهـا تلعـب علـى كـل مـوال
مـن لايعرفـك يافتـى مايثمنـك=والهرج مـاودك يكـرر إذا انقـال
وقت الفضاء ماهو مثل ساعة الظنك=ولكل ساعه فيـه موقـف ورجـال
بعض الرجال اليا قضى حاجته منك=يصد عنك ويعتبـر طيبـك هبـال
وبعض الرجال بوزن طيبك يثمنـك=ويرد لك طيبك أذا حـدك الجـال
هذاك إذا جاك الخطا منـه ياعنـك=ماهي غريبه كل رجل ٍ له افعـال
وهذا إذا جاك الخطا منـه يغبنـك=وتضيع في تحليل وضعه والاحوال
غني عني وأحمد الله غنـي عنـك=وكل ٍ على دربه لـه آلام وأمـال
مهما ضحكت دنياك في يوم تحزنك=لابد من حزن ٍ لو ان الفرح طـال
يطعنك شخص ٍ ماتوقعت يطعنـك=ويسعفك شخص ٍماطرا لك على بال
شفت الذهب لو صنعوا بالذهب تنك=يبقى ذهب غالي ولا ينقص ريـال
والزنك مهما صار يبقى هو الزنـك=لو أنصنع باحدث طرازات واشكال
يعني معادن صح معدنـك معدنـك=والمغترب لابـد يرجـع للأطـلال
هي كم بيت إن شاء ربي تفطنـك=يمكن لعل الله يصلح بهـا الحـال
لله درك اخي الشاعر نايف
نصائح ودروس يعتبر بها القلب الفطن
سملت ولا عدمنا جديدك اخي الكريم
صح لسانك