على الشيوخ مدلهين الرعيه = ترعى هيت عن دربها ماتعاجي
مرحوم ياللي مايخلي خويه = يلكد على الموت الحمر مايجاجي
رجواي لبن عقاب ثامن ضحيه = الصبرقل وفات وقت المراجي
ارجيه رجوى غارسين الوديه = ماخاب غراس يدورالنتاجي
واليوم رواء مرهفات الهنادي = والخيل من فعله هزايم وعبار
ياعقاب ناد لهايس جاك بادي = ماراسئله ينبيك كيف الخبر صار
راحن قلايع خيلهم باليادي = وهايس رمنه يوم عج الرمك ثار
فرخ العقاب اللي رمابه وكادي = ليث على خيل المعادين كرار
حول بهايس يوم حل الطرادي = ثارن بابوه وصاحب الدين يختار
يا ناس زول اعقاب ماني بناسيه = عقبه فلاتسوى ريال حياتي
لو من غذا جرون لقا ما هقا فيه = كان العرب كله تسوي سواتي
الورع ورع عقاب لاخاب راجيه = حول بهايس ماتناسى وصاتي
كزه لبوه ويذكر انه موصيه = يعد ماشافت عيونه ثباتي
شكراً جزيل لك اخي العزيز سليمان الجعفري
على هالقصايد الرائعه لبطالنا / سعدون العواجي وابناه عقاب وحجاب
رحمة الله عليهم وعلى اموات المسلمين اجمعين امين
الله يعطيك الف عافيه على هذا المجهود الذي تشكر عليه
تحياتي واحترامي لك