[سليمان الجعفري]

ودنا بالطيب بس الدهر جحـاد طيـب = كل ما تخلص مع الناس كنـك تغشهـا
يدك لامدت وفاء لاتحرى وش تجيـب = كان جاتك سالمه حب يـدك وخشهـا
كل ماشبيت نار المحبـه مـع حبيـب = قام يسحـل فـي مشاهيبهـا ويرشهـا
وكل ما واجهت لك فالزمن وجه غريب = مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب = جعل قشاش الحطب لاسـرح يقتشهـا

الموت موت الضمير وموتة الذمه = ونفس ٍ رضت من رداها في مذلتها
ما لمت اللي بموته ينتهي همه = الميّت اللي حياته مثل قلـّتها
كم واحدٍ طاب ابوه وخاله وعمه = وإيده من الطايلات الله مفلـّتها
لو يستحي قاصر الشوفه على دمه = ما جاهرَت روحه الجربا بعلتها

سعد ابن جدلان