ياقصيدي رتب اوراق الكلام = ودي اكتب لي قصيدة بالغلا
تدري ان غيرك يبي نص الغرام = من هنوف الغيد عمتهم (000)
خذ من ابداع الحكي قبل المنام = خذ كلام له منازل بالعلا
شق لي من عالي غيومك غمام = ضلل الحاسد وقله للخلا
ترجم احساسي عقب قول السلام = قلها ميت وانا بين الملا
من غرامك وش بقا عقب الغرام = دام قلبي من غرامك قد جلا
ميت وقلبي معك والله حرام = رجعي قلب (ن) من الهجر انصلا
ورجعي معي قلبي اللي مايلام = راح لك حجه وهو كله ولا
خطة دبرتها عقب الهيام = يعلم الله خافقي ماقد سلا
ياهنوف لو تجي وسط الضلام = اسهم الكهرب تصير الاسفلا
ان تمايل خصرها ناح الحمام = كيف قلبي ماينوح من البلا
والعيون اللي رمتني بالسهام = تذبح العاشق قبل قوله هلا
لو يصير مزاين بكل احترام = مايجيب الجائزة غير الـ(حلا)
ماوصفت بوصفها وصف (ن) تمام = لا يصيرن العذارا تكملا
الوكاد قليبي اللي مايلام = راح لك حجه وهو كله ولا
الاخ سعود ابن فرحان
صح لسانك ملايين ولاتكفي
لقد حلقت في سماء الابداع
الله يعطيك الف عافيه
تقبل تحياتي واحترامي