[سعود المسعودي]

المشاركة الأصلية كتبت بواسطة عبدالعزيز السعود

ياضحكة الورع مدري وين شايفها=ان كان ماني بـ واهم ضحكة ( فلانه )
غمازته.. شفٌته.. تشبه شفايفها=واعيونه عيونها يضحك ونعسانه
والله ياضحكته عجزت اطوفها=واللي شغلني معه من جملة اخوانه
وقفت والنفس مابدٌت حسايفها=ضيعت وقتي معه كله علشانه
ابنشدهـ والبشر تتبع ولايفها=يلعب طرف بالملاهي بين ورعانه
وصديت والعين ماتنسى وصايفه=(هاذيك) نفسي عليها حيل شفقانه
يانفسي ياللي تحلفني واحلٌفها=حاولت اشكك وهي ماهيب غلطانه
تقول هالورع والله من خلايفها =واقول ربي خلقنا اشباهـ سبحانه
هاذيك راحت وانا مانيب عايفها=حكم المقٌدر وكلٍ راح في شأنه
خبري بها يوم جاها من طوايفها =اللي خذاها ويتبع سلم جدانه
ماشافته لا .. وهو ماهوب عارفها=ماشاوروها أبد ماكنها إنسانه !!
رااااحت وانا بالشقى كني مناصفها=يامل قلبٍ شكى همه وحرمانه
ولليوم قلبي يردد لي ( سوالفها ) =هذيك نفسي عليها حيل شفقانه ..

أعجبتني فنقلتها الى هنا ..

صح السانك والسان شاعرها

سلمت على النقل


تحياتي