طاف بي رحب الخيال وشـد قـافـه
غيمةٍ نسـمـاتـهـا .. تسبق مــطــرهـــا
هي بـشـر؟ والا .. افلاشات الصحافــــه
رتـبـتــهــا .. بالبياض اللي غــمــرهـــا
جل صـنـعـه.. جل نونه .. جل كافــــــه
أصـطفاها .. بأجمل الوصف وسـتـرهــا
جت تـزف الـنــور .. والبرق ومـطافـــه
مادرت في هـالــزمـن وش يـنـتـظــرهـا ؟
أقـبـلـت والوقـــت . وأحـكايـة جــفـافـــه
في نـظـرهـا .. جمــلـةٍ غـايـب خـبـرهـا
داعــبـتـهـا نسـمة الطهــر ..أبـ لطـافــــه
كـنـهـا عــن فـجـرهـا ..تـفـهـق شـعـرها
شـاقها عطر المـدى الرحب .. وعـفـافـه
وأسـفـهـلـت . والـقـمـر قـبّـل نـحـــرهـا
شـدهـا " موطأ قـدَم " ماهي طــرافـه !
استفـز احساسـهـا .. وأرخت نـظــرهـــا
مافـتـنها النقـش . من بـاب اللـقـافـــــــه
ارتباط الروح بالغربـه .. جــبــرهــــــــــا
كـنـّـهـا قـالت : تــرى الدنـيــا ســخافـــه
قــبـل تـبـدأ ..رحـلـة الـمـيـل وســفـرهـا
آه يـاهــي كـم .. تـُردد يا "حســـــافه "
كـل مامـر اول الشــوق .. وعـبــرهـــــا
شفت كيف ان الزمن مـافـيـه رأفــــــه ؟!
ماحفظ من هالأســامـي .. غـيـر أثـرهـا