اقتباس:
المشاركة الأصلية كتبت بواسطة محمد العاند
بسم الله الرحمن الرحيم
بعد التحيه اضع بين ايديكم هذه المتواضعه وهي من قديمي نوعا ما
لو البحر ياخذ هموم المخاليق= نثرت همي فوق شاطيه كله
ياكثر ما سليت نفسي عن الضيق= اثره معي مثل المباري لظله
تمشي بي الدنيا علي غير ما اطيق= كن السعاده درب ماصرت ادله
واحيان تصفقني مع الوقت تصفيق=واعيش في صدمة حياةٍ ممله
شرعت بيبان الوفا للمواثيق= ولقيت بيبان الغدر مسفهله
وانا لو اني للغدر ناشف الريق= اموت حلقي بالردى ماأبله
( صحيح شي يشقق القلب تشقيق= لا شلت هم وصاحبه مافطن له )
صديق لكنه قليل توافيق= ذيب وخاوا له مع الدرب عله
اشعلت له شمعت وفا بالمعاليق= واقفيت عنه وخاطري فيه غله
ويلومني خبلٍ يحط المساحيق= مثل الفتاه الي بصدر المجله
هذاك ما طبعه طبوع المطاليق= وده ابطيني صاحبه واستغله
مايدري ان جبال نفسي شواهيق= ومعانقة صدر السحاب بمحله
تقراني حروف القصايد طواريق= ونفسي تحاسبني على كل زلة
[/poem] |
صح لسانك وعلئ شأنك
وتسلم يمناك على الرائعه
لاهنت