اقتباس:
المشاركة الأصلية كتبت بواسطة طلال الايداء
اجامل العالم وانا بداخلي كبّت = تعبت امثل هالفرح واستعيره
ابسالك بالله ماكنك اذنبّت = ان كان لك قلب" وصاحي ضميره
تعال طالعها هالاحوال من غبّت = حتى تعرف الحال وشهو مصيره
ياماتألمت لغيابك ولاطبت = شفها جروحك كيف ياهي حقيره
وش حيلتي قلي لامنك اتعبّت = اهداب عيني بالدموع السهيره
بس اتحرى رجعتك لين ماشبّت = وتغيرت فيني امور"كثيره
الا غرامك باقي"بي ولاتبّت = ولاطاب لي تبديل حبك بغيره
ياما خسرت من الاوادم ولاهّبت =وكل ماخسرت انسان آقول خيره
يكفي (وصالك )من فقدته تأنبّت =لاصارت عيوني لشوفك (فقيره)
ماغير اقلب صورتك ليلة السبت = تاريخ (ميلاد الفراق) المريره
اخر طلب يامنيتي كان وجبّت = وان كان لي خاطر ثواني اخيره
امسح دموعي علني ازفر الكبّت = ويرتاح (قلب")ماعرف وش مصيره
|
الشاعر المميز والراقي
طلال الايداء
صح لسانك على هالجزله والرائعه
قصيده راقيه ومعاني عذبه واحساس قمه في الجمال
اخر طلب يامنيتـي كـان وجبّـت
وان كان لي خاطر ثوانـي اخيـره
امسح دموعي علني ازفر الكبّـت
ويرتاح (قلب")ماعرف وش مصيره
راق لي هالبيتين كثير
الله يعطيك العافيه وتسلم لنا لمشاركتنا بقصايدك الرائعه جدا
القصيده كلها من اولها لااخرها مليئه بالمعاني الجميله والاحاسيس الصادقه
اسجل اعجابي يقصائدك الجميله والعذبه
اتمنى لك كل التوفيق
وننتظر جديدك شارنا الجميل
دمت بالف خير وعافيه