[حمد الخمعلي]

المشاركة الأصلية كتبت بواسطة طلال الايداء

اجامل العالم وانا بداخلي كبّت = تعبت امثل هالفرح واستعيره
ابسالك بالله ماكنك اذنبّت = ان كان لك قلب" وصاحي ضميره
تعال طالعها هالاحوال من غبّت = حتى تعرف الحال وشهو مصيره
ياماتألمت لغيابك ولاطبت = شفها جروحك كيف ياهي حقيره
وش حيلتي قلي لامنك اتعبّت = اهداب عيني بالدموع السهيره
بس اتحرى رجعتك لين ماشبّت = وتغيرت فيني امور"كثيره
الا غرامك باقي"بي ولاتبّت = ولاطاب لي تبديل حبك بغيره
ياما خسرت من الاوادم ولاهّبت =وكل ماخسرت انسان آقول خيره
يكفي (وصالك )من فقدته تأنبّت =لاصارت عيوني لشوفك (فقيره)
ماغير اقلب صورتك ليلة السبت = تاريخ (ميلاد الفراق) المريره
اخر طلب يامنيتي كان وجبّت = وان كان لي خاطر ثواني اخيره
امسح دموعي علني ازفر الكبّت = ويرتاح (قلب")ماعرف وش مصيره

الاخ طــــلال


هكذا عوتنا في كل ماتكتب0


نص يلامس القلوب 0


فتحياتي لك ايها العملاق