ألا يالله يامهلك ثمـود . وعـاد . واهل الفيل=تعدلها بحكمك ياولي واتحل مابيه،،
زمان(ن) مايل(ن) فينا ولا ينفع به التعديل=انجامل من يحاكينا بضحكاتن صناعيه،،
وتعودنا كــذا دايم على هالحـال صبح وليل=هواجيس(ن)انصارعها مع احلام(ن)خياليه،،
ولا اتغير بحالي شي إلا مــا بقابــي حيل=جمعت اهموم هالدنيا على اكتوفي وبيديه،،
أنا مادهور احوالي سوى قولت معــاي احليل=بقيت احليل مع ناس(ن)أنا بنيه وهم نيه،،
أنا أدري ضعت بالزحمه مع التصفيق والتمويل=يد بيمناي والأخرى اتفتش في مخابيه،،
أنكبتـني(شركة)شكرآ وبدال احليل صرت اخبيل=وتخرجة بشهادة (عشت)احليل وصادق النيه،،
رابح الغضيان