تعبت من قول المواعيد قدام = وأتعبت رجلي يوم طوّل وقوفي
وأتعبني اللي غايبٍ عدة أعوام = وأتعبت عيني تنتظر منه يوفي
وتعبت من حظٍ تردّى ولا قام = عيّا يطوله وإلحقتني حتوفي
وتعبت من عد الليالي والأيام = وآخر مدى حلمي تظمّه كفوفي
سبحة،وصورة، ودفتر، وخط، وأقلام = وحب ووله وأشواق مع هم خوفي
وتعبت أتابع آخر أحداث الأيام = ومن قصةٍ طالت وعيّت تطوفي
ومن طفلةٍ لاشفتها أعض الإبهام = وألعن أبو حظٍ رماها بكفوفي
ظمّيتها بعيني من صدوف الأيّام = وأخاف من يومٍ به الدين يوفي
علّقت فيها دنيتي وكل الأحلام = وجنّبتها همٍ تشيله كتوفي
وتعبت أداري النّاس وأعيش منظام = يانصرة المظلوم طوّل وقوفي
تعبت من قول الفرح دوم قدّام = والهم والتفكير أول ضيوفي
أكرمتهم وأطعمتهم عمر وأيّام = وقهويتهم من راحتي ودم جوفي
وأتعبت رجلي والوعد دوم قدّام = وطالت بي أيامي وطوّل وقوفي
صح لسانك يا العيووف
تستحق الاعجاب
بما فيها من صدق المشاعر
للحزن صوره وللالم
شكراً لك على هذا التواصل