" 1 "
عـبـور..
كل مـامــريت .. عـابـر سـبيل .. بـهـالطــريـق
شـدّنـي " عـطـر اسمها " وأخـتـصــرنـي .. يـمـّـهـــا
" 2 "
أبـجـديـتـهـا..
أرهــقـت حـرفي الـحـر الطليـق
يـنـضـب الشـعـر ومـعــيـنـه .. وهــو ما أتـمّـهـا
" 3 "
عاليه مثـل السماء .. طاهره ..مـثـل الرحـيـق
مـايـفـوح الورد.. بالـعـطـر .. لـو مـاشــمّـهـــا
" 4 "
ضـمـهـا قـلـبي .. وغـاب.. وتـحـرّيتـه يـفـيـق
وأخـتـصـرنـي وأرتـواهــا.. وفــاق وضــمـّـهــا
" 5 "
قال : ضـيـق .. وقلت: صـدر الشمالي مايضيق!
قال: هـــــم .. وقلت: ما أثـقـل علـيّـه هـمـهــــا
خــيــال ..؟
فكري سرى والـخـيـال الـرحـب .. "يشــتح بـه "
لأقـصـى مــداره.. وأنـا خــاويــت مــنـدوبـه
يـمــــر واهيم في طاريه وأســــــرح بــــه
لــو خــافـقـي فيـه نــار الـوجــد مـشــبـوبــه
الطاري اللي مشيـت آفــاقـــه الــرحــبـــــه
صـحـيـح ألــم .. بس عندي كله اعـذوبــه
خلّوه يأخذ خـيــالي .. وإيــتــــمــرجـــح بـــــه
ما احلـــى من ايــهــــام ســحـره .. غــيـر لاهـــوبــه
يعطيني أغــلــى الـدرر.. وأسـريـه .. وأنـزح بـــه
عن واقــعٍ فيه صـــبـري .. ضــاقــت دروبــــه
أجـيـه عطشان. وأخـاويــه.. وأســــبـح بــــه
وأروح في لـهـفـتـي ماذقــت .. مشـــــروبــــه
يـغـريـه لــون الـبـحــر.. والـحــزن يـــرجـح بـه
ويـمــوت من يـعـشــقـه مايـطـري الــتـــوبــه