اقتباس:
المشاركة الأصلية كتبت بواسطة ناصرالسويلم
من اجل ذلك
اخواني واخواتي
لاتعليق لي اترك التعليق لكم
انتم الحكم
البارحه ما طبق الجفن بنعاس = العين تبي النوم والنوم فاته
خلوني اكتب ماطرالي من احساس = أشرح لكم حبي وقصة وفاته
باقي شرايينه على اغصون يباس = مافيه داعي نوقظه من مماته
خاب الرجاء بللي حبيته من الناس = والحظ بي تحطمت مركباته
الدار عقبه خاليه مابها اوناس = هي نورها الساطع وقمة حلاته
وجدي وجود اللي طوى حاله الياس = خمسة عشر عاماً يدور براته
تبخرت دعواه واعلن بالافلاس = تذكر الماضي وقصة حياته
كرامته في وسط الانجاس تنداس = جداه من عينه يهل اعبراته
يعض لابهامه ويصفق بالاخماس = تذكر عياله مع اصغر بناته
ماودي اطلع شي مخفي وحساس = ذكرت بعض اللي جرى من صفاته
راحة علاماته ولا باقي ارماس = بس الهوا الغربي يغني شتاته
دمتم بحفظ الرحمن |
المبدع الفاضل
ناصر السويلم
صح لسانك اخوي الكريم على هذا النص الرائع والجميل
ابيات تسكنها العذوبه والاحساس الراقي
قصيده تتحدث عن المشاعر والعواطف وصغتها باسلوب شيق وجميل
مشاء الله عليك ابدعت اخي الفاضل واتمنى لك كل التوفيق
واعتذر عن تأخر الرد
دمت بالف خير وعافيه
تحياتي ومودتي