[خلف الغريب]

المشاركة الأصلية كتبت بواسطة شاعر البيتين

ناس ٍ تعاديني قهرهم نجاحي = يبطون ماساروا على خطاي يبطون
اسقيتهم صاف الزلال القراحي = وكانوا بخيري ياجماعه يعيشون
علمتهم وشلون قصة كفاحي = ظنيتهم من مامضى يستفيدون
في سلمهم هرج النميمه مباحي = لا أقفيت عنهم في جنابي يهرجون
ولاني بندمان ٍعلى شيء راحي = يبقون ناس الدون من دون في دون
والطيب مايمحاه بالوقت ماحي = قطه بحر لاعلهم مايردون
أنا يميني والمراجل سلاحي = أطعن بها فرعون وأشباه فرعون

الف صح لسانك يا شاعر البيتين ...

عز الله ابيات تكيف الراس ..

كفو والله على هالمبادئ الجميلة والعزة التي لا تستغرب ...

وما اكثر فرعون واشباه فرعون في هذا الوقت ..

اعان الله الجميع ..

تحياتي وتشرفت بالمرور هنا ..