اقتباس:
المشاركة الأصلية كتبت بواسطة سالم صالح
قصيدة مهداة لشبكة ويلان العربية من الوالد والشاعر القدير/ صالح بن سالم الجعفري العنزي
ارجوا ان تحوز على رضا الجميع وشكراً لكم
نجد نجد العز ديرتنا=ومنا من سادوا على الريشه
يابغينا دار مابتنا=ننحره قبل طواريشه
يالمسولف كب نوهتنا=خل عقلك راكدن قيشه
لاتبجح وقت زوعتنا=يوم رحنا ندور العيشه
مانحوبج وسط عشتنا=مثل ناساً تفرس الخيشه
مانجامل جوع ينحتنا=الحرار يشيلها ريشه
يوم شانت نجد مابتنا=رحنا لداراً زايداً عيشه
يوم زانت نجد ماجتنا=حنا جينا ونْعَمر جيشه
سدنا وسادونا حكومتنا=قوة التيار من فيشه
قوة الاسلام قوتنا=ومن يخالف سجن بعليشه
عزنا من عز دولتنا=دارهم صبت مراهيشه
ابو متعب سيد سادتنا=من عرين يحتم الهيشه
هزبراً لولاه شتتنا=عيلماً يسقى معا طيشه
ان بغى تصويت صوتنا=وان بطش حنا بطاطيشه
على بيت العز شرهتنا=وغيرهم ماهمنا طيشه
للمدغش ماتصنتنا=ومن جهل حنا مداغيشه
فرحة المنضام شوفتنا=حمعنا ترهب لواليشه
وش يقال بوقت صولتنا=اسمنا ماسيق بخشيشه
يذكرون الفرس سربتنا=جيشهم هجت مخاريشه
جونا وجينا مع رفاقتنا=في نهاراً زاد تشويشه
مانهزعنا عن دخيلتنا=جيشهم طارت طرابيشه
وسلامتـــــــــــكم
|
الله الله على الشعر الاصيل
هذا الشعر
وليس غريب على شاعركبير بشعره ورجولته وكرمه
هامه من هامات الشعر
اسم له وزنه .. شعر .. رجوله .. كرم .. ثقافه
شيخ من شيوخ الكلمه
(صالح بن سالم الجعفري)
ومن لايعرف هذا الاسم العملاق
شكراً .. لشّبل سالم
على اختيار هذه القصيدة العصما
كثر ماأنا معجب بقرأتي لها
كثر ماني فخور بهذا الرجل اطال الله في عمره
تحياتي لبوتركي