اقتباس:
المشاركة الأصلية كتبت بواسطة رابح الغضيان
أساتذتي الكرام من زوار واعضاء إليكم هذه المتواضعه
آمل ان تنال شي من رضاكم
( بطل فيلم)
من لا عرف مدخله يضيع مخراجه=والناس ماهي سوا يمكن تصدقني
والكذب سلعه رديه عند هراجه=وحبٍ من النوع هذا ما يوافقني
لا صار حبك مزيف في رجا حاجه=من غير تمثيل خذ حاجتك واعتقني
في نعمة الضوء ما نحتاج لسراجه=والنور نور الضماير يا موهقني
خدعتني بابتسامه يوم نتواجه=وصدقت عينٍ بنظراته تلاحقني
وغرّقتني بالكلام العذب وأمواجه=وصبحت بيّدك على كيفك تغرّقني
ولبست ثوب الحرير وسلك ديباجه=ومثّلت دور الحبيب وقلت عاشقني
ماكنت داري عن التمثيل واخراجه=وانتي بطل فلم والتمثيل شوقني
وخلف الكواليس والمكنون بادراجه=بانت حقيقة غرامٍ كان حارقني
واليوم يا زارع البستان وانتاجه=هذي محاصيل حبك لا ترافقني
ولا عاد تشكي ولا تبكي وش تواجه=الله يوفقك وادع الله يوفقني
ومن لاعرف مدخله يضيع مخراجه=ويديّك ماهي سوا .. يازين صدقني
أخوكم:رابح الغضيان |
الشاعر المتألق
رابح الغضيان
صح لسانك وسلم لنا ابداعك المتواصل
فيلم جميل وتصوير رائع ابدعت بتصوير المشاعر من خلال ابياتك الراقيه
نص مفعم بالمشاعر الصادقه والاحاسيس
ابيات عذبه وكلها تميز
فيلم يستاهل الاوسكار
اتمنى لك كل التوفيق وننتظر الجديد بالقريب العاجل
دمت بخير وعافيه
تحياتي واعجابي