بددت الصمت ..
بـ فوضوية وجموح..
أحالت :سكون الليل الى ضجيج والهدؤ الى صخب
والصمت الى حديثٍ ذو شجون ..
أشعلت قناديل الحرف.. قكان للمداد عطره .. وللقلم مساحته
وللعزف موسيقاه الآسره .. هي تلك قصيدتي..
لـعـيـونـهـا هي تدري أني .. اليارقت
أصنع مابين أضداد الأشياء .. تقـارب
وهي تدري أن أغـفـايـتـي كل ما أشـتقت
وقفة مسافر .. وأستراحـة محـارب
وتدري بعد عن سر صمتي الياضـقـت
قبل الجواب.. وظنهـا .. والـــمـآرب
ليه أتجاهلها ؟ وأنا أعلّـم الوقـت !!
بالآفه اللي حطمت .. "سـد مـارب"
صخب ..
أمــانــتــك ياسـيـدي .. لاتـصـيـر لـجــروحـي ســفـيـر
أنا كـذا .. صـادق مـعـك .. وأنت أرضني وأصدق مـعــي
بين أنـتـظاري والظمأ .. وأرضك ومـجـهـول المصير
حالة وعي .. في لحظةٍ خيـّـم عليها .. الـلاوعــــــــــي
تكتبني كيف تشاء ؟ من موقعها اين كانت .. في هذا العالم المترامي الأطراف ..
تيقض حرفي .. ليس في لغته الأبعد أفقٍ والأكثر أشراقاً .. ولكن الأعمق ألماً ..
هي .. هكذا .. ترانيم حزن .. تـقـتـرب مني حتى تسكب النار في بوتقةٍ صفائحها
كتلةٍ من المعادن الذهبية ..لـ لتنظم منها عقودٍ ولآلي على أحتراق ذاتي .. ألمٍ لذيذ..
آه .. وآه . ولابـها عـيـب ومــذلّــه
قولت آه .. بـزوبـعـة عـصـر المـآســــي
آه يـآخــر .. مـن سـرق روحـي ابدلّه
والله أنه صــب مــره وســط كاســــــي
لاتـصـح الـجـرح تـكـفـى الـجــرح خـلّــه
مابـقـى بـي روح .. لايـغـريــك بــاســــي
وكل ما مـريــت .. بيتٍ .. لي .. قـــــلّـــه
يذكر أنه فيض عشقي وأحــتـبـــاســــي
ماسكبت النار .. غير ابـفـئ ظــلّـــــه
كيف ؟ مــدري !! لكن أدري كــنــت .. ناسـي
كم زرعــت .. الورد .. وأزعلت الأهــلــــه
لجل عينك .. وأصبحت عندك ســـواســـي
آه .. مـنــك .. ومــن زمــان الحب كـلــــه
كنت قاسي.. كنت قاسي .. كنت قاسي
عزف ..
أكتبك .. كيف أكتبك ؟ وأدري لـو أكتبـك
ما ارضي غرور .. الهاجس اللي كتب عنك
أجمـع حروفـي .. وأتخيّـل .. وأرتبـك
وأبداك .. وأضيـع .. ابمشـارف مدائنـك
أستحضرك .. لـبيوت شِعري .. وأقرّبـك
وأهيم في طيفـك .. وأغنيـك .. وأسكنـك
والقى القصيد اللي عطش منك .. يشربـك
وأنسى أكتبه ! وأردد .. الله مـا أزينـك !
الحرفنه بالقـاف .. والحبـك .. والسبـك
أغـرق مراكبهـا .. جمالـك .. ومعدنـك
لاقلت بيت .. وقلـت : هالبيـت يعجبـك
لقيت به.. روحك .. وروحه .. تجي منـك
أكتبـك ؟ والا فيـك أسـافـر وأغـربـك
وأرقد .. وأنا عينـي تضمّـك وتحضنـك
أكتبـك كيـف أكتبـك ؟ لا والله أكتـبـك
بيـت القصيـد .. ونبـض قلبـي يدوّنـك
جيت أحترق وأعزف لك الشِعر وأطربـك
وأرسم خيالك .. وأفتح الصـدر وأسجنـك
وشلون أنا ما أكتبك .. وأقـراك وأعربـك
ومركاك في صدري .. وقلبي على إيمنـك
ياصـبـاح الأبـجـديـه في لـغــتـنــا المـسـتـعــاره
ياصـبـاح العشــق والـذكـرى ..و لـيـلـه وألـف لـيـلـه
يـاصـبـاح الـعـولـمـه .. ومســايرة ركب الحضــاره
يـاصباح أم الثـقـافـه .. في ثـقــافـتـنـا الدخـيـلـــه
ياصـبـاح الشـِعـر وأجمل مـلـهـمـه وأحلى سـيجاره
ياصـبـاح الذوق والـتـصـفـيـق والشــقــراء الجميله
ياصـبـاح أم المـعـارك والـعـلــم وآخــــر زيـــــــــاره
ياصـبـاح أحـداث ديسمبر . . وقصتها الطـويـلـــه