فز الخفوق وجيت كلي "اطامر"=فزة رضيعٍ عند راسه منبه
ياحي طيفٍ تالي الليل عابر= مر الخيال .. وللاسف ما نشب به
ياطيف وقف!! قال (Sorry) مغادر = و"أغرب" وعيني ودها تغترب به
ماكنت احسب الحب مذنب وكافر= إلين ماشفت القهر في مغبه
حبٍ "حشيم" وحب "ملعون سافر"= و"حبٍ" لو انه في اياديك كبه!
يا انسه!! تكفين لازلت صابر = والصبر ماهو "كيف" واقدر اصبه!!
لا يابعد امسي ويومي وباكر= جيتك "يتيمٍ" به أجر واكتسب به
جيتك وانا "تلميذ" ماهو بشاطر= ضمية تلميذك!! عشان ايتنبه!!
واليا كسر خاطرك "ياحوّوول" عاثر!!= ضميه ضمة طفل بيدين "ببه"!
يصير الاول..بعد ماكان عاشر = ويصبح مقر العلم وايضا مطبه
والله لو حبك "سهم" وانت "تاجر"= ان كان خلق الله تجي "تكتتب به"
وانا اشهد اني بينهم ..بس خاسر!!= دام "المؤشر" مايبي نقترب به
ماعاد ينفع هالسهر والمساهر = طاحت عيوني والسهر يكترب به
واصبحت مكسورٍ..وانا كنت كاسر= والموووت جيته لين اخر مصبه
هذي عيوني شوفها .. والمحاجر=تشكي غيابك ياهواي وتسبه
وان كان تنشد وش بلا الوجه غابر؟؟= مابين "خدينك" علاااجه وطبه!!
سنداباد الشعر مصلح النشمي
صح لسانك قصيده رائعة تمتاز بروعة ابداع الشاعر مصلح النشمي
دائماً تتميز بطرحك في الشعر وفي المواضيع الاخرى
أخوي مصلح تقبل تحياتي واحترامي