[خلف الغريب]

المشاركة الأصلية كتبت بواسطة غريب الشمال

كان صدري ضاق من هاجسٍ جاب خبره = وضاق صدري من هجوسه وضيق مذهبي
رحت يم المنـتدى اقطف من الـورد زهره = وان طلـبـني قـلت ابـشـر بكـل الـلـي تـبــي
لوطـلـبـني جـيـت والخـط مايـهـم سـفره = خـل عــاد انـي باشـارك وانـا فــي مكــتبي
وكـل تسـديـد الفـراغــات مــافـيــه ثـمــره = كان ماهوابــداع مــن شــيـخ والا من صبي
خـل شـغلك بـالمواضيـع شغلت دكــتره = من قراها قال اللــــــــــــــه هــذا مـطـلـبي
لاتـجـيـب الجــلــد والجـلد مافيــه شـعره = ولاتـعـشـي مـنـتـدى الوايـلي ســاق الظـبي
والكـلام الجـزل مـن رجـل والا من مره = فــايــده يـارجــل اكـتـب ويــابـنــت اكـتبي
عـائـشــه للمـؤمـنـيـن ام والـلـه قــــدره = والـرســالـه قـالـهـا الـلـه على لسـان النـبي
عطـرونـا العود الاصلي وحطو مبخـره = واشـربـوا مـن مـاء زمـزم ويابنت اشـربي
وصاحبي والله اليا غاب ماطعن بظهـره = حشـمـتـه في ســد وجهي وفي ســـد شـنـبـي
لآن طـبـع الـوايــلي ما يــحـب الثرثـره = ياصـل العــليـاء بجـهــده ولــو كـان يحبـي
ولويموت الغصن والعرق حي ٍ بشجره = تـنـبـت الشـجــره وتــثــمــر بتيني وعنبـي
واهـل التـزيـيف والكبرياء والمصخره = لاحضرنا كلهم روحو قش (00000000)
والخـطـاء مرفوض والعفو عند المقدره = ثــابـتـن قـلـبـي مـارفــت يـديــنــي وركـبـي
ان بـغيـت اسـامح الذيب لاني باذخــره = وان بـغـيـت اشـويـه فـانـار نـاري وحطبي
وخـيـر ماب الهــرج ماقل دل وأكثره = مايـفـيــد ويا صلاتي عـلـى وجه الـنــبــي

الشاعر الجزل والقادم بقوة غريب الشمال ..

اولا ارحب فيك في شبكة ويلان التي تفخر بتواجد المميزين امثالك ..

ابيات جزلة وتدل على قدوم شاعر كبير وجزل وراقي شعرا وخلقا ..

الله الله على هذا الجمال الاخاذ ...

لاتجيب الجلد والجلد مافيه شعره
.............ولاتعشي منتدى الوايلي ساق الظبي
والكلام الجزل من رجل والا من مره
.............فايده يارجل اكتب ويابنت اكتبي


قدومك اضافة للشبكة العامرة ولكن بودي ان يكتب هذا الشعر الجزل بالاسم الحقيقي فهذا الشعر من الخطأ ان يعرض باسم مستعار
وهذه وجهة نظري واقولها والله غيرة على هذا الجمال ,,,