[خلف الغريب]

المشاركة الأصلية كتبت بواسطة غريب الشمال

اخواني الاعزاء اعضاء منتدى ويلان حبيت اشارك بهالقصيده حيث انني نزلت قصيده
والحمد لله نالت الاستحسان وتم تثبيتها وقال اخوي الاستاذ خلف الغريب مفروض هذه القصيده تكتب
في اسم الشاعر الحقيقي وليس في اسم مستعاروكلامه صحيح وحبيت اسلم على الويلان
واطلب منه السموحه بالاسم المستعار
وقت قصير في هالقصيده ودمتم سالمين

ياسلام الله سلامٍ معطر بالبهار = بريحة الخولان والهيل والدله تفور
معطراًبالعود الازرق وتحته جمر نار = مايوفر غير عند الاكابر بالقصور
لمنتدى ويلان عماعموم بلاحتقار = حيث من بالمنتدى كلهم نقوت صقور
يحمل اسم اللي لياهللو فوق المهار = لابتن رجالهم لانتخا بخته جسور
كان طقو بالمحازم وطقو بالقصار = خصمهم ان فكه الله يروح بلاشعور
ياخلف يامحزمي خذ جوابي باختصار = مايحب يلفلف اخوك بالوضع ويدور
اتخاطب معك لانك فقيه ومستشار = وودي اناقشك واعطيك واخذ منك شور
وانت كلك فائده من يشاورك استنار = والخشوم تشم وتميز انواع العطور
ولاذان تميز الصوت في ليل ونهار = والعيون تشوف لاكنها تحتاج نور
لاتواخذني لياجيت بسمٍ مستعار = السبب له سر واسرار الأمه بالصدور
ياخلف لك كل شكري وجاك الاعتذار = ياعساك تقول لي يابيض الوجه معذور
بس عطني وقت وابشر ولي كل افتخار = في معرفتكم وبسمي وبحزامي فخور
خلنا ننزل بلنشاتنا وسط البحار = ياعساني اتقن الغوص في سبع البحور
وننزل البحر الحمر والخليج وزنجبار = والمحيط الهندي ودجله نمره مرور
وادري ان بنات الافكار بالعالم كثار = بس يختلفن بالاوزان واسعار المهور
ماشريناهن من السوق والابالاجار = وهبة اللي خص داود بكتاب الزبور
والله اللي قدر ارزاق الأمه والاعمار = ويبعث ارواح الجنايزوهي وسط القبور
الله يقدرني انجح بحسن الاختيار = بالخيار اللي تصفق لها كفوف الحضور
ويا الله اوهبني فصاحه وحكمه بالقرار = وانك تجنبني الغطرسه هي والغرور

غريب الشمال ..

والله انك شاعر كبير ومدهش ومبدع وما طلبت منك الكتابة بالاسم الحقيقي الا حفظا لهذه الدرر من لصوص المشاعر والاشعار كما حصل مع الكثير ..

الله على هذا الابداع واقول لك معذوووووووووووور معذورررررررررر يا غريب الشمال بس انتظر منك اليوم اللي تكتب فيه باسمك الحقيقي ..

انت مبدع والكثير من شعراء الشاشة الفضية لا يرقون الى نصف مستواك يا غريب الشمال ...


لا هنت على هذه الجزلة ولا هنت على اطرائك ..

باختصار يا غريب الشمال :

لله درك ولا فض فوك وصح لسانك ملايييييييييييييييين ياالوايلي ...