[أبو غرام]

اخوان والله هو جمعنا ب( ويلان )=صرح على طيب المبادي مباديـه
ما عـاد تفرقنـا مسافـة وبلـدان=دام البناخي مجتمـع مـع بنيخيـه
لنا المبادي ساس والشعر عنـوان=والشعر تسمـو بالمبـادي معانيـه
ناخذ ونعطي بيننا مثـل الاخـوان=على الوفا نبني صروحه ونحميـه
ويلان طاريها علـى راس مابـان=رجم ٍ طويل ٍ يتعب اللي رقا فيـه
فكرة صليب الراي زيزوم فهمـان=لـو مانعرفـه يعلـم الله نغلـيـه
ياراعي الفكـره سلايـل كحيـلان=الطيب عنـدك جاهزاتـاً معانيـه
أنا بوايل عزوتـي شانهـم شـان=اللابه اللي دايـم المـدح زاهيـه
عنوانها رمزن ويصـدح بـالاذان=اللي لفانـا جعـل ربـي يحييـه
وسط العيون وقدرهم فوق له شان=بين الحنايـا مابهـم مـن نعديـه
روضة شعر والورد من كل الألوان=منبرأدب والذوق من ذوق راعيـه
وبالخاطرة والنقـد للهرج ميـزان=أقلام يطرب له من الفـن قاريـه
الطيب فينا عنـد شيـب وشبـان=وهبـه مـنالله كاسبييـن معاليـه
من وقتنا الماضـي لياوقتنـا الان=نفخر بوايل كان جابوا لطـا ريـه
تاريخنا يبقى على مـر الازمـان=يبقى و صفحات الزمن ما تغطيـه
و حنا لهذا المنتدى مثل الاركـان=او كننا قلب ٍ نبض فـي محانيـه
وصفه إذا شبهة صورة عن إنسان=إنسان راقي يحمل الـورد بيديـه
يفوح عطره ورد في كـل ميـدان=واللي يمـره ريـح ورده تلاقيـه
شعوب وقبايل فاخره تاج عدنـان=تلقى الفخر والعـز دايـم بأهليـه
من عصر ابن كلثوم وكليب ديدان=ملوك ومشايخ رافع المجـد وأليـه
عسى الوبل هّتان في كل الازمـان=يبقي نبات الود فـي نـاس تاتيـه
ربعٍ لها بالطيب مركـز وعنـوان=قصيدها من نحـت فكـره توفيـه
تستاهلون الملك في كل الا وطان=سلايل الي مانسى الوقت ماضيه
تفخر بكم سبع الاراضى وما كان=والشعر ياخذ من سماكم حسانيه