[علي السابل]

المشاركة الأصلية كتبت بواسطة ابو غرام

السلام عليكم ورحمة الله وبركاته

اما بعد ...

................................اهديكم احبتي في الله هذه المتواضعه وهي التي اتت من داخل دهاليز القلب وخفاياه
................................بعد تشجيعكم ودفعكم بي الى هذا الطرق وهذا الباب : باب الشعر
................................عسى ان نتجمل بما كتبناه وعسى ان نكون وفقنا بعكس مايدور بداخل الصدر

...................القصيده : الصواديف

عزي لقلبٍ ربعة به صواديف=وألحانها من نزف جرحه تجره
تسمر على ليل العنا والتكاليف=وتطرب على شكوى القضى والمضره
وإن كانها تضفي على القلب وتضيف=اضفت بلاوي كايده ماتسره
حمله ثقيل وباقي الحمل ماشيف=ولو ينتخي بالعزم فالعزم غره
خارت مطايا هقوته والتحاسيف=انشت سحابة دمعته من مقره
يسبق خياله برق ورعود ويقيف=يمنع شموخ العز هله ودره
تسمع صهيل الظيم في خايع الريف=وتلمح على خديه كره فره
كنه جمع حظه وزين التصاريف=وفي ظلمة الحرمان فكه وذره
ماعاد باقي له مع الوقت تعريف=على ضفاف الهم محدن يمره
قل الفرج ياكود طرق التواصيف=يطفي بها نار(ن) بصدره تحره
باسه شديد ولا لقى له مجاديف=تاه بعذابه والبحر ضاع بره
من شاهده بالعين صدّق بلا زيف=ان النوايب تكسر اللي تمره
العام تذكر ضحكته باول الصيف=واليوم كن الضحك مايوم مره
يالله انا طالبك حقق له الكيف=عسى السعد ياتيه بالعمر مره
قلبٍ عرفته همسته حيف ياحيف=واليا نطق دعيت لله دره
يرجي من الرحمن صبر(ن) وتخفيف=ويبعد خفوقه عن تدابير شره

............................وسلامتكم

اتمنى منكم صدق النصح والاجابه ... ونحن عن نقدكم لا نستغني

شكرا لكم مرة اخرى .

إن استحقت الخروج والتنزه بين المحاولات الشعريه : فلا بأس بذلك

مادام في تنزهها تطور ورقي للقائل

ابو غرام

هذه القصيده اكبر من النقد

وتسمو بشاعرها الى مصاف الكبار في الشعر.

يا أخي ليت من فرضوا أنفسهم على الشعر يكتبون بربع هذا المستوى ..

حتى نعذرهم ونعذر المطبلين لهم ..

أنت في هذه القصيده فرضت علينا إعادة النظر فيما نطرحه هنا ..

مبدع يا ابو غرام ..

تحياتي وتقديري