لا ينشغل بالك على المنتحي عنك =مادام هاذي رغبته وش تبي به
ياخي من الله هو كذا مايوطنك =تبغاه بالقوه يحطك صحيبه؟؟
اهم حاجه لا يجيه الخطا منك =ولا انت مانت مغير له ذهيبه
لاتتبع اغلاط الاوادم تجننك =اخوك لو عاداك ماهي غريبه
قصة نبي الله يوسف تفطنك = جرت من اخوانه عليه المصيبه
صديقك اللي باللوزم يعاونك =وان غبت يسال وش سبب هالمغيبه
ومن وين ماجيته لقيته على ايمنك =تبدي به لوجه الزمن وتعدي به
اما صديق الضحك والرز والبنك =اقرب سبب لفراقه الله يجيبه
اللي يمون ولا يحاول يمونك =واذا زعل يجيب مابالحقيبه
الاخ مايحتاج ضامنك ضامنك =حتى العذر عن مطلبه مارضي به