موضوع شد انتباهي لانه كان يحدث عن البنات خصوصا والحين انتشر بين
الشباب ,,,
بالبدايه بذكر لكم اشياء ايظا حاصله وبعدين اجاوب اسئله ابو غرام,,
ياجماعه الوضع صار اسوء في ازدياد ,, عندنا مثلا بالجامعه وبالمناسبات تلاقيها كل يوم بلوزه
ماركه شنطه ماركه جزمه الله يكرمكم ماركه لكن يوم تشوف وضع الاسره الى
عايشتها البنت تلاقي البنت من ذوي الدخل المحدود جدا,,,
اجيب لكم مثال وهذا انا شاهده عليه ,,,
به مستخدمه متوفي زوجها ناديتها قلت جيبي ارواقك لجل اقدمها لك بجمعيه(انسان)
كل شهر يعطونها كابون شراء اكل وكسوه لها وعيالها وبناتها,,
وفعلا قدمت لها وصارت تاخذ الكابون بعد عدة شهور سالتها استفدتي يافلانه؟ وعسى
تشترين اللازم؟ قالت اي والله الحمد الله,,
جتني وحده قالت انتي تعرفين ان فلانه تبيع الكابون بملغه معين اقل من قيمته
لحظتها صابني مثل الجنون كيف وليه تسوي الحرمه كذا قالت اساليها,,
رحت لها قلت يافلانه جاني خبر انك تبيعين كابون الاعانه بسعر اقل من الكابون نفسه
تدرون ياجماعه الحرمه ليه تبيعه...؟؟؟؟؟؟؟؟؟؟؟؟
لان الانسه بنتها بالمرحله الثانويه غثتها ماتبي الكابون المخصص لتقديمه لشراء ملابس
من محل عادي متعاقده معه جمعيه انسان,,,
لذلك البنت تصر على امها تبيعه وتاخذ البنت الفلوس وتشتري من محلات ماركه
والمظلوم امها واخونها الصغار لانهم بسبب مظاهر البنت وفشخرتها حرمتهم النعمه,,,
بالنهايه تم حل الموضع بطريقه ما حفاظا على حقوق الصغار من(الاخت )
===========
اخواني اخواتي اعضاء المنتدى المبجلين
هل هذه الظاهره صحيه ؟ وعلى ماذا تدل ؟ والى اي مدى اوصلتنا ؟ وماهي سبل التغيير فيها ان وجدت ؟
الظاهره غير صحيه وانما تدل على ازدياد عقده النقص بالشباب والفتيات,,
اوصلتنا الى طريق مسدود صعب علاج الظاهره لان الشباب يحكمون بالمظهر فقط
مستحيل يا ابو غرام التغير ولكن ادع الله ان لاتستفحل اما حلها مامن حل,,,
والسبب الرئيسي (ضعف الاباء والامهات عندما يطلب احد ابنائهم طلبات مالها
داعي يستجيبون له بسرعه وعلى حساب ميزانيتهم )
تقبل مروري اخي الكريم,,,