جميعكم مبدعين وكثافه شعريه قويه لها اهدافها البنائه
رابح غضيان
بستان من تفـاح والطلـع زيتـون
لاتندهـش هـذا زمـان الدعايـات
مدخل قوي ولاغرابه بذالك وتعبيرعن مايحدث هذه الايام سوى كان بالشعر اوغيره
والجو غايم ونمزج لون مـع لـون
ومدرّس التاريخ يصرف علاجـات
ههههههههههههه والله انك مبدع مبدع يابو هيثم
والكون واسع يافتى الجود هالكـون
لوضاق في عين الردي كل الاوقات
ماضاق كوني يوم غيري يضيقـون
طلعي سماء ورجلي تروم الطويلات
ومن يدعي في شي من غير مضمون
يضحك على نفسه ويرسم خيـالات
عمايـرٍ تبنـا ومـن ثلـج يبنـون
والشمس فضّاحـه وللثلـج بالـذات
والفرق بحرف التاء نقطه عن النون
لواختلفنـا بالجـمـل والعـبـارات
كفو كفو يابوهيثم والله انك شاعرجزل بكل ماتعنيه الكلمه وشهادتي بك مجروحه
وحاصل على اعلوم الرجال كلها قبل الشعر
ومثلك يابن سابل رجـالٍ يعرفـون
لك بالشعر نظره ولك فيه بصمـات
نبذه من ابياتك عن الغيـر يكفـون
تشبع شعر ماتشبع اهياط كشخـات
والشعر لوله راس والسان وعيـون
كان اشتكى مـن عابديـن القنـوات
الشعر ماينساق فـي سـوق تكفـون
ولاثابت إلامثل اجـاء والسـروات
بغداد تحلم فـي فتوحـات هـارون
وهارون مات ولابقي بـه فتوحـات
سميتني بالعـذب شكـراً وممنـون
شهـادة معلّـم تفـوق الشـهـادات
نعم هو كذالك ابو مصعب رجل الكرم والطيب والشعر والله ومليون نعم
الف شكر يابو هيثم على القصيده الجزله والف شكر لبو مصعب على ماقدم من صدى
تحياتي وتقدير ي