ولامن نشدته وين قالت لي اقروب
حسبي يقول افلان اقـرب قريبـي
اثره يعاني بكلمته جمعت اشعـوب
وانا غشيم ٍ طيبتـي هـي معيبـي
قالت بدو كلامكـم مابـه اسلـوب
حتى الحضاره تجهلك كالغريبـي
قلت اسمعيني قبل لاتصبح احروب
ولا انكوي بنـارك ولا تنكويبـي
حنا بدو مانكشف اللي ورا الثـوب
نصبر على جمر الزمن واللهيبـي
لامن حكينا حكينـا كلـه اعـذوب
وافعالنـا يابنـت فعلـن عجيبـي
لامن مرضنا لاحشا مالنا اطبـوب
شوفت مشب النـار داي وطبيبـي
ومنهو يزعلنا سرينا لـه اركـوب
يصبح على شر ٍ ويمسي صويبـي
حكامنا من غرب مع شرق وجنوب
وشعارنا التوحيد ماهـو صليبـي
ودامك على قولتك ماعندنا اسلوب
شكواي للي رحمتـه مـا تخيبـي
الله عليك اخوي سلطان
صح لسااانك مليووون
ومليوووون نعم يالغااالي
وقد تشفع لك هذه القصيده غيابك وننتظر جديدك يابعدي
لك حبي