اقتباس:
المشاركة الأصلية كتبت بواسطة فواز الغسلان
لا باعك اللي بالرخى كان شاريك=وخـلا دروبـك يـوم الايام ضـاقه
شف حكمة الهربيد بجريس تكفيك=يوم الزمان بـعـايـق الشـيب عاقه
لاصار بالـدنـيـا رفـيـقـك يـخـلـيك=مامن ورى عوج النصايب صداقه
والاسعدي قال المصيبه بـنـاخـيك=لاصار بالـعـاصـوف يـومـي رواقه
كاويه مثل الـلـي من العام كاويك=وقـيـود ساقـك شابهت قيد ساقه
كيف الذي بالروح والمال يـفديك=اليوم شـوفـه صار عـنـدك شـفاقه
ويمكن عجوزك كان شحت مخابـيـك=عـقـب الفرح والعمر تطلب طلاقه
واللي على هـبــرة نـيـاقـك يخاويك=ماراح يـبـقـــى لــو تـقــارب نـيــاقه
ياوقـت شانـت بالـتـوالي مواريـك=وغدرك شكت روس النشامى فلاقه
ولاني من اللـي بالـمـرابـح يراجـيك=ما كل مـن يـرجـي هـداويـك ذاقه
وليش اشتكي بوقك وكثرت بلاويك=دام الـرجـال اهل الـمـشـاريـه باقه
كـم لـيـلة دجت الخــلا في مساريك=والباب تـصـفـق بالـهـبـايـب حـلاقه
ماخفت وسط الليل لـجة ضـواريك=يوم العرب بالـنـوم تـسـمع شـهــاقه
ماراح تاطى اللي مدى العمر واطيك=وش عـاد لـو يـقـعـد بـلـيــا رفـاقه
ولاراح نخـضـع بالردى تحت اياديك=ولانـي من اللـي عـنـد غـيره علاقه
وعـز الله انه خـايـبٍ قـلـب ناخيك=والـلــي نخـانــي فك عــقـــدة وثــاقه
واللي نـصـانـي مارجـع مثـل ناصيك=ولا كل رجـلٍ لـه علـى الثقل طاقه
ظنـيت طيبك مثل من كان غاذيك=وشوقك لدرب الطيب مثل اشتياقه
وشفتك عطيت اهل المكارم علابيك=وشانت هروجك عقب هرج اللباقه
انـا اشـهــد ان قـلـوبــنــــا ماتـدانـيـك=وطـبـيـعـتـك مـاهـي لـقـلـبي عـشاقه
مااريـد توقـيـعـك وزيـنــة جناسيك=ولا اريـد من كـفـك جـواز وبـطاقه
يوم انكشف طبعك وبانت مماشيك=وقلبك ظـهـر لـي بالـشـدايـد نـفــاقه
والـلـي عـلـى ريف الـمرابــيـع يغـليك=تـرى الـغـنـيــمـه لاحصل لك فــراقـه
|
اول الوقت اخذت منها :
كم ليلة دجت الخلا فـي مساريـك
والباب تصفق بالهبايـب حلاقـه
ماخفت وسط الليل لجة ضواريـك
يوم العرب بالنوم تسمـع شهاقـه
ماراح تاطى اللي مدى العمر واطيك
وش عاد لـو يقعـد بليـا رفاقـه
=
بعدها لقيت في القصيده من مثيلاتها : روعه وشعر عذب يلامس القلب فقلت بنسخ غيرها
وبالاخير
وجدتني ناسخها كلها
=
بدايةً
أن يأتي الشاعر والراوي والاعلامي المعروف
فواز الغسلان وينثر لنا من عبقه الجميل شعرا رائعا يلامس قلبه
فهو تميز لنا وشرف نتشرف به ونشكره عليه
ثانيا
[color=#4B0082]ان يأتي الاخ فواز وهو شخص كبير العمر [/color](( والعمر هنا بمعنى أخذ عمره وما استفاده بالاضافة الى من سبقه من الزمن الماضي واضافه اليه... وبهذا يكون فعلياا اكبرنا سنا لانه راوي لمن يجهله))
ويسّخر مفاهيمه ودروسه وحنكته وفراسته في شعره
ليعكس لنا بها ماحاك قلبه من أمر رآه وساءه ومن خلال عبارات نفهمها لاغريبه ولاعجيبه او متنمقه
بل سلسله تداعب العقل والفكر وتوصل الفكره من اقصر الطرق
فهو شرف لنا ايضا ... فلقد اتاح لنا فرصة ان نقرأ افكار الراوي فواز الغسلان ومايختلجه من شعور
هيض جاشه ليبيح مكنونه في رائعة من روائع الشعر
لله درك اخي
واسمحي لي فقد كتبت ماكتبته من واقع اعجابي بهذه الشخصيه الجميله الفارضة لاحترامها على الغير
ومن خلال هذا الطرح الراقي
أخيرا
لاحرمنا الله جديدك ايها الشاعر المتمكن .. وتفاعلك فانت علم شعري يستضاء به
دمت بود وتقبل مروري من هنا وتسجيل اعجابي
اخوك
ابو غرام