يوم الوطن حقً علينا نشارك = حنا أعياله والوطن والدً بار ذكرى عزيزة ( ولبو متعب ) نبارك = جينا نزف التهنئه صغار وأكبار الله يبارك ( يابومتعب ) مسارك = رجل المواقف .. للوطن درع وسوار أول تباشير الفرح في قرارك = ياذخرنا اللي للعداء سيف بتار أنشهد أنك ماتهاب المدارك = ترخص بعمرك يوم يغلون الاعمار لك هيبةٍ يضفي عليها وقارك = يافارس الميدان بالموقف الحار أنت الشجاع اللي يخوض المعارك = وأنت العقاب الصيرمي وافي الاشبار ليثٍ يضيعون العداء في مدارك = واسع خيالك مايوّصف بالاشعار ياسيدي قدح الزناد بشرارك = لهيب نارً تحترق منه الاشرار الله يحفظك من يمين ويسارك = وتبقى ذخر للشعب والدين والدار