مساء الخير أعضاء شبكة ويلان العربية يشرفني الإنظمام اليكم في هذا الصرح الشامخ
وهذه إحدى كتاباتي الشعرية التي أتمنى أن ترتقي لذائقتكم الرفيعة
.
الـــتـــابـــــوت
الليل والذكرى وحسرة وضيقة= وضيعَة أمل والشوق والآه والفوت
مواجعٍ صارت بعمري حـقيقـة=وأنـوح ما ناحــت حمايـم بـتـاروت
لوعات أعايشها وروحي غريقة=في روح من حـبّـه موثـق ومـثـبـوت
اللي ملكني بالصفات الرقـيـقة=واسمه مع حــبـر الشرايين مـنحـوت
لولاه ما كانت جروحي عميقة= وسنين أعاني لوعته صمت وسكوت
سطرت له من صفو عشقي وثيقة=رغم إنّه أودعني على شرفة الموت !!
أبيه يعرف وش عذاب الدقيقة=وإنّه بسحره فـاق على سحـر هاروت
لعلّها تصحا مشاعر عـتـيـقة=ويروف باحساسٍ قضى العـمر مكبوت
ما أبيه يعمل شي ما لا يطيقه=أبــي أشوفه قبل مــا أرحـل بـتـابـــوت
ياشين عاشق مايحس بعشيقه=وياشين حظك في الهوى ياصدى الصوت