اقتباس: المشاركة الأصلية كتبت بواسطة طلال الايداء الضيقة اللي حشرجت بالصدر لين=هزت جبال طويق وفجّر دفينه واصبحت مثل اللي حدى حاله أمرين=الكل منهم مرّ حاله غبينه ياضحكة شفاهي فقدتك من سنين=مثل الضرير اللي فقد ناظرينه يادمعة عيون" قضى جفنها البين=كم لي اجامل هم ماتسترينه والله لو قلبي يشيل احتمالين=لأقسمه بيني وبين ماتطلبينه مير البلا شتان مابين الإثنين=الكل منهم صعب لو تدركينه يا أهل الصبر وين الصبر راحل"وين=صبري فقدته ضايع في المدينه احيان اسج بخاطري واحلم إلين=اصحى على الواقع واصافح يمينه الحلم دافع معنوي للبسيطين=فيه يتناسوا شي هم فاقدينه لا حلم نافعني ولا واقع" زين=الكل ماخذ قسمته في يدينه الواقع احياناً اعيشه أمرّين=والحلم يقتلني ولا أقدر ادينه خيرني أمري بين اصعب خيارين=واخترت مااخترته وعسى الله يعينه يالله ياللي بيدك العسر واللين=تنزل على قلبي رياح السكينه ياللي على ذكرك تردد ملايين=نسمعه فيه كل القرى والمدينه عسى الفرح يصدف معي يوم ويزين=ويكبت بقلب" كم تفجر دفينه الشاعر الرائع والمبدع طلال الايداء صح السانك ولاتاتي الا بالجزل دائما اقتبست القصيدة كاملة لانها لايمكن ان تجزاء لتناسقها وترابطها وقوتها فكل بيت ينافس الاخر على الجمال والقوة حتى ظهرت لنا هذه الجوهرة رغم الحزن والضيقة التي فيها وهذه هي الدنيا افراح واتراح ولاكن لايجب الوقوف عند شيء يضيق خواطرنا لابد ان نتجه الى الابواب المفتوحة والمشرقة في حياتنا حتى نسعد فيها وننسى همومنا تقبل تقديري وسجل اعجابي وجعل الله ايامك وايام المسلمين سعادة وفرح
سوف انتظر الغد فربما يكون افضل من سابقه