اقتباس:
المشاركة الأصلية كتبت بواسطة عناد الغريب
لاواهني الضحوك الدالـه السالـي=اللي يمره عجاج الوقـت ماهمّـه
الفاغراللي همومه جمع الاموالـي=ويرتاح باله لاوافق مجلس النمّـه
ولياشبع حط راسه والفكر خالـي=له لحيتين وسنـام وبطنـه يزمّـه
لاهو بمثلي ولا حاله مثـل حالـي=ومخلاب وقتي يكب العفن ماخمّـه
صفق بي الوقت من جالآ ليا جالي=من عقب ماني على المرقاب بالقمّه
تحدرت بي وعيا الوقت يصفالـي=وغارت مياه الحياه ونشّت الجمّـه
وماعاد عندي بهالدنيا سوا غالـي=ومتغربن ماشره صدري على ضمّه
لاني ولد عمه ولاهو ضنا خالـي=ياليتني ياجماعة خير ابـن عمّـه
الله يجيبه فـداه الـروح والمالـي=ويبل شرياني اللـي ناشفـن دمّـه
او بس يشر وانـا بجيـه طوالـي=واهدي له القلب باقة ورد ويشمّـه
ولاني ضحوكن بلاه ولاني بسالـي=واموت كانه قرأ هالنـص ماهمّـه
|
نص محترم
نص عليه الكلام
نص مايجيبه الا شاعر متمكن
نص وقصيده وباذخه هذه التي عزفها اخينا
عناد الغريب
لله درك وصح لسانك
وكل ماقلت هذا البيت زين ... طلع معه بيت جميل آخر
لله درك اشبعتنا ( خاصة انا ) شعرا جميلا صادقا عذبا
مقدمه ومحتوى ومخرج ولا اروع
صح لسانك اخي وعلا شانك
ولاعدمنا مثل هذه القصائد الراقيه العاليه والجميله
فائق الود والتقدير