بكره يبين الحق وتحس بالظلم = ظلمك يبين وتنكشف لك حقايق
ياسيدي لاجاك عني طرف علم = أنشد وأبين لك جميع الوثايق
فلم وعجب ياناس تصديق هالفلم = بالأمس أنا مبيوق واليوم بايق
مالي طريق أجيك لو كان بالحلم = سديت في وجهي جميع الطرايق
كنت أحسب أنك معي بالحرب والسلم = صدوك عن قربي خباث الخلايق
هرج القفا يابنت ماهو لنا سلم = حتى ولو شبت ضلوعي حرايق
دامك علي ياصاحبي بالجفاء ولم = بتذوق مني مثل ماكنت ذايق