اقتباس:
المشاركة الأصلية كتبت بواسطة عبدالرحمن اليمني
محاورة محمد الجبرتي يمثل بدوي والمسعودي يمثل حضري
الجبرتي
سلام رده من رجال البدو والبيـت الشعـر
لاهل البيوت اللي عليهـا مقفلـه بيبانهـا
نشرب حليب ام الحليب اللي تفلى في الشجر
ماهو حليب اطفال ماتدرون عـن حيوانهـا
المسعودي
يامرحبا وبيوتنا يابدو بسمنـت وحجـر
ومثبته مـع بابهـا يأتونهـا ضيفانهـا
ياراع شاة البدو لوتطعم لبن شاة البحر
اللي على الماعون صورة قرنها ووذانها
الجبرتي
حنا ليا جانا المطر نمشي ونرعى فالدير
وانتم ليا مطرت ديركم قفلـت دكانهـا
وضيوفنا يالبدو لو يلفون في الليل الغدر
من حيث مادقو بحله قبسـت نيرانهـا
المسعودي
حنا ليا جا الليل نورنا كما نـور القمـر
وانتم ليا جا الليل ظلما ماتشوف اعيانهـا
اشوف لي مختلفة الالوان من بدو وحضر
واللي يديها ماتنوشـه تلحسـه بلسانهـا
الجبرتي
الكهربا ماشي كماها مير مكتوبـه خطـر
واليا انطفت ماتدري الجيران عن جيرانها
حنا نعز الضيف مانقريه من حيد الخضر
نقريه باللي فالصحن متثنيـه عصبانهـا
المسعودي
حنا هل البندر كما العنبر المتلول السفـر
مجلوبة التجار وافـي مسكهـا ولبانهـا
ياماشرينا من حلال البدو غاليت المهـر
وامسيت تاكل من شحمها بعد اخت اثمانها
الجبرتي
رياحكم عنبر وحنا ريحنا الماس الحمـر
اليا وقف ظل السلوقيه تحت كرعانهـا
واسفارنا يابدو ناخذها على وسق الشفر
ماناخده بالكيل واللي قد وزن ميرانهـا
المسعودي
في كل ديره حقها من خير والا مـن قشـر
وان جاتنا منكـم رعيـه عندنـا رعيانهـا
وان سقت سياره شكت منها الحجاره والحفر
من قل عرفك كل ماخربت قعـدت اوزانهـا
|
نقل جميل من شخص لا ياتي الا بكل ماهو جميل
دمت بود اخي