اقتباس:
المشاركة الأصلية كتبت بواسطة علي السابل
غيمة الشعر وهذا هو هطولها فتقبلوها مني ..
ما استمطر غيوم الشعر شعري غيوم=وخيمة سماي احساس شعري سكنها
فارس خيالي مهرته عزمها عزوم=على سعة كونه يطوح رسنها
لو جرة الوقت وسمت شعري هموم=ما اخلف طواريقي ولا احيد عنها
لا صرت في جو على الشعر ملزوم=دفعت من وقت القصيده ثمنها
ما ينثي عن سكة الود محروم=لو لبسوا بيض النوايا كفنها
يا حبك اللي كل ما غرد النوم=على جفوني طير النوم منها
تحت الضلوع اللي غدا نحفها هدوم =خلوة غلاك وروحي اللي فتنها
مهما تنايف للسما واهج نجوم=راحت تسابق للغياب وسجنها
و انتي سنا نجمه ووهاجها دوم=يكتب فرح روحي ويرسم شجنها
كل ما قطعتي با الغلا حاجز اللوم=احمرت ورود الخجل في وجنها
وهبت مساءات الهوى عج يشموم=لين العيون اهدابها تحتضنها
واصبح على عقد من الشعر منظوم=يسرق عصافير الموادع لحنها
علي السابل |
الرائع والمبدع دوما القدير.
علي السابل.
اولا احب ابارك لك بقدوم المولوده وأسال الله العلي القدير ان يجعلها من مواليد السعاده وتتربى بعزك يابو مصعب.
اما بالنسبه للنص .
فهو نص راقي جدا ممتزق بشموخ وأصالة كاتب هذا النص.
دائما ودائما وهي حقيقه ليسة من وحي الخيال أو المجامله .
استمتع بقراءة الشعر كثيرا وهنا حضر كل الشعر بحضور علي السابل.
لله درك على هذا الابداع يابو مصعب سلمت وسلم قلمك الذي يشتاق الكثير مثلي لقراءة حروفه.
صح لسانك ملايين وبكل الشوق أتطلع الى جديدك.
اخوك محمد العنزي