ابي دربً بعيد ومـا مشـاه مـن الاوادم سيـن
ابي ارمي به الابره ويرجعلـي صـدى الابـره
وانا ادري منت فاهمني ولا سامع كلامـي زيـن
ولكن ادري انـك ماتخـون ان خانـت العبـره
انا ياطير فـي واقـع حياتـي ظلـم تجربتيـن
قليل اللـي بهالدنيـا يصـون الملـح والعشـره
اقلطهـم بعينـي والرمـوش الشاقيـه ظلـيـن
واحجب اشعاع شمس القيض لو جفني شكى حره
اغرف من البحر " خوفي يجف الماي للضاميـن
واسيّل فـي مسامعهـم عذوبـه كنهـا الخمـره
ولكن هذي الدنيـا رمتنـي فـي متـاه سنيـن
وانا عمري بعمر الورد " لاكن هـذي العبـره "
ياليت الحظ يشرى لو حصيلـه عينـي الثنتيـن
ياليت اللي يلوم بحالتـي لا طـال ابـد عمـره
الا ياطير ماطـاح الجمـل لـو تشبـع السكيـن
يبا يبقا ثباته .. لو قسم رمـح الدهـر ظهـره
وانا مرثي عن الماضي .. ندم لا لا ورب البيـن
ولا جيت متحسف مـن تجـارب زادت الخبـره
صح منطوق شاعرها وتسلم يمين ناقلها ,, سعوط المجانين تقبل تقديري واحترامي,,