دمي يفور ولابقـــى بــي صمودي = بعروق دمي زاد نبض الاحاســيس
مثل البحر لاهـــاج عقب الركودي = واطلـقت مابقلبي مشاعر محابــيس
يلي تقول انــي فلاّني سعــــــودي = اســعوديتي ماهي بطاقه وتجنـيــس
اصلن ومنشا رغم انف الحسودي = لوبـان حقدك بالنوايا الخــــرامـيـس
تنفث احقادك مثل حقد اليـــهودي = اظـــهرت مابقلبك بغايض مداسـيس
لاانته تخاف الله عدون لـــــدودي = مــن الـــردى ايديك سودن مدانيس
ليت الزمان الي تـــعدى يــــعودي = يخزمونك الويــلان خــزم الـعراميس
جعلك مع الي يحرقون الـــجلودي = وســـط الســـعاير تحــشر مع ابليس
الساس نجد وهي منابع جــدودي = هاجرنا وعدنا كالـــحرار الــــقرانيس
اصقور صيدن ولوطنــــها تعودي = عدنـــا لـــــها ابكل الفخر والنواميس
تشهد لنا العقله ومعها النــــفودي = تشـــهد لـــنا اجـــبالها والتـــضاريس
ياما زئرنا اصواتنــا كــالاســودي = مـــن دونـــها نيبن شطيره مضاريس
عيال وايل نبع طيـــبن وجــــودي = لكــبد المـــعادي صالـــيات المحاميس
وجه العدى عنها نذود ونــــحودي = بالـــسيف الامـلح فوق قب الفواريس
اسيادها في كل عــــصر وعقودي = اعــداءنا لســــحم الضواري مفاريس
من عهد ابونا اكليب لين السعودي = ابغـــيرنا ماتـرتضي افحول ومعاريس
دون الوطن حنا عــــتاد وجــنودي = قــادة مــــعارك بالمـــــلاقى اشاويس
خدمة وطن ماهو عشان النـقودي = مـــاهمــــــني جيبي ولا مالي الــكيس
عامين جندي في سـلاح الحدودي = ملفّي انصـــع مـــن بيـاض القراطيس
لهّاب الصــيف يوســـــم اخـدودي = من شـــانها صارت شفاهي ميــابيس
من شانها لحوض المـنايا ورودي = قـــفرن وطــــنها ماتـــطبه عواسـيس
والله شــهيد وكــل خلقـه شهودي = قـــولن عدل مـــاهو كـلام الجـواسيس
ماهمني نيـــات وقلــوب ســـودي = ماهــــمني كثـــرة هـــروج الـــبلاليس
اللي على البلــــسات دايم تجودي = يتشمـــشم الاخـــباركـــلب البــــواليس
ابقلبي غلاها كل يومن يــــزودي = مـــاينـــحصي مـــاله حــدود ومقاييس
حسـبي على الدنيا خوانة عهودي = جــتنا لـــياليها تـــراكـــض مــــعابيس
بالله رجـــانا ثـــــم باّل الـسعودي = تــفتح لـــنا بــــابن يــــــسد المناحيس
يامحمد النايف يانسل الفــــهودي = ابفـــــكرك الــــــراجح تــحل الوالــيس
بعد الولي املـــنا فـــيك امعقودي = تـــرأف بحـــال اللــي حيـــانه كوابيس
ذاق العزروالعوز شاف الجحودي = مـــن كــــثرة الـــتفكير صابه هلاويس
طرفــــه ماذاق طــعم الـــرقـودي = عــــقب المــــعزه شاف كثر المتاعيس
للمولى يدعـــــي وقت السجودي = يفـــرج همـــومن وسـط قلبه مداعيس
ياسيدي يخـــفاك فــعل القرودي = تـــخفى علــــيك اشياء خلف الكواليس
انظر لنا بتعديل بعــض البنودي = تــعديــلكم يبــري انفـــوسن مــعاميس
يستـــثنى ولخدمة دياره يعودي = ارجوك لاتـــجعلني ضـــمن المـــفاليس
حيثك بالطــيب دايــم تـــجــودي = يمــأسس الامـــــجاد بـــيديك تأســيس
حنا عصايبكم وعنـــكم نـــذودي = من شــــانكم نرخص عــمارن منافيس
نشره عليكم مانحب الصــدودي = فتحـــتوا علــيــنا افـواه كانت مخاريس
كثر الحكي والقول مافيه فـودي = نـــبغى الكـــلام الي عليــه التــــوانيس
الاخ العزيز/ عوض السلامه
سلمت يمناك على النقل الرائع .. لا هنت وقضيتهم تحتاج الى فزعة
وولات الامر مايقصرون ولكن البطانه فاسده حسبنا الله عليهم
الله يكون في عونهم ويوفقكهم ان شاء الله
تحياتي واحترامي للجميع