هذه القصيده للشاعر الشاب المبدع دوماً الشاعر / مشعل الضوي
عندما دعي من قبل اللواء الدكتور / علي هلهول الرويلي
للمشاركه في الندوه اللتي أقامها سعادته بمناسبة شفاء
ولي العهد صاحب السمو الملكي الامير / سلطان بن عبدالعزيز
بمدينة الرياض والتي حضرها عدداً من الاكاديميين والادباء والصحفيين
وتم تغطيتها من قبل بعض الصحف المحليه وقناة المختلف الفضائيه
يالله يا جاعل ابو القاسم امام المتقين=يا مجير عبدك من عذاب النار في يوم الهوال
يا فارض فرضك وشرعك للعباد المسلمين=ازداد بك رفعه ليا جيتك خشوع و إبتهال
و من بعدها يا هاجس الضوي و يالفكر الرزين=مالك عذر دام أبو بندر خصني بالإتصال
أي والله أحضر بالقصيد الزين و المضمون زين=و دعوى حضوري يا علي هلهول ما فيها جدال
و الثانيه طلي يا شمس الخير و افرح يا حزين=ما باقي" لرجوع ابو خالد سوا بضعة ليال
سلامتك يا مجدنا الغالي و يالدرع الحصين=سلامتك ياللي غيابك زلزل قلوب الرجال
ندعي بشوفك بالسلامة راكعين و ساجدين=ما عاد فينا للغياب المر قدره و احتمال
غيبتك لو هي كم شهر بقلوب شعبك عن سنين=تعال و اطرد عن سمانا غيمة الوحشه تعال
نبي نزف الأرض لحضورك و رود و ياسمين=وفي كل بيت يقام لك فرحة و بهجه و أحتفال
ياسيدي بحضورك الدمعه بكتها كل عين=لكن هالمره من الفرحه ما هو من ضيق بال
من بحر جده لين بحر الشارقه و ام القيوين=و من حد صنعا لا نهر دجله وبابل بالشمال
الكل منهم في مشارف جيتك مستبشرين=الله يبلغنا فرحنا فيك يادمث الخصال
وشلون لالا و أنت خيرك فاض من بيض اليدين=و الشعب الإسلامي جميعه من يديك البيض نال
كم واحد من حسرة غيابك محرم حاجتين=لبس العقال و رشفة الفنجال من كيف الدلال
ومن يوم ماوصله خبر سلامتك من بعد حين=لا بالله إلا يشرب الكيف و على راسه عقال!!
يا سيدي سلطان يا ذرب المبادي و اليمين=وقفتك بين أركان دارك عز راس و راس مال
ماهي غريبة لو تشوف الشعب بغيابك حزين=وليا حضرت من الفرح يصنع لشوفك كرنفال
وختامها تسلم ياابو بندر راع الفعل الثمين=ما هي غريبه من هل العليا شغاميم العيال
الشاعر / مشعل الضوي