[الخاطر]

المشاركة الأصلية كتبت بواسطة نافع عيد الجديد

بيني وبين الشعر ميثاق وعهـود=حلف قديم مـن زمـان الطفولـه
لاحلت الوقفـه مواثيقنـا تـزود=وتصبح صعوبات المواقف سهوله
نجعل ضوامي القافيه يمنـا ورود=واذا دعيناهـا تجينـا عجـولـه
انقي ابكار الفكر من غالي الـذود= واخوض بحر الشعر صوله وجوله
سفينتي تبحر بحره وانـا اقـود= والموج مابلش فيه لو يش طوله
وان كان له بيدا فانا مالي حـدود=اجيه واعسف ما صعب من خيوله
واقطف من الاشعار عنقود عنقود=ان كان هو بستان ماالف حولـه
واحاول انحي فيه عن كل منقـود=من شان مايفرح عليـه عذولـه
افخر بشعري والفخر ماله قيـود=لاني اقوله صـادق يـوم اقولـه
شعري كما من يثبت الحق بشهود=قدام قاضي والشهـود اشهدولـه
اعانق المعنـى لياهبـت النـود=واقف معه ميقاف راع البطولـه
تعبير ماادور به اطماعـه وفـود=ولاخذعلى بيع المشاعر عمولـه
قبل اكتبه يدري تقل فيه موعـود=ويشيل عنـي كايـدات الحمولـه
ساعة لفاني كنه لمزن محشـود=يسقي ضلوع تشتكي من محولـه
مايحوي الهزلات بالجزل مشهـود= دايم يجيب الطيبـه فـي مثولـه
ماجيت ناقد شعر غيري ولا ازود=جيت انثر احروفه وابين ميولـه

الفاضل والشاعر القدير.
نافع عيد الجديد.
ونعم فيك والف نعم قول وفعل.
اعتزاز بالنفس وثقه ليس لها حدود.
من حقك ان تفخر بنفسك ومن حقنا ان نفتخر بوجودك بيننا.
صح لسانك ملايين وعلا شانك.
دمت بكل الخير.
اخوك محمد العنزي.