اسعد الله اوقاتكم بكل خير ,,
ابيات خاصه جدا ً , وخصوصيتها لانها كتبت بــ انسان غير .
تقول اكتب لي قصيده .. وانا اقول = ماللقصايد في حضورك عذوبه
طلتي عروش القلب بالعرض والطول = وش لك بشعرا ً كل ناسي حكوبه
قصيد لامعقول ويصير معقول = لاصارت حروفي سبايب عقوبه
تكبر مع الغاوين واصير مسئول = عن كل غاوي تاه واحمل ذنوبه
ومتني تعب ماعاد يقدر على حمول = تهلك ضميره بين ذنب ٍ وتوبه
.
.
.
.
.
.
ادري كلامي فلسفة شاعر يجول = مابين ميزان الرخا والصعوبه
لكن مصير الوقت يكشف لك حلول = وتشوف في عينك حقيقة دروبه
ولا الغلا بالقلب والشوق معسول = وكم قلب رجال ً كشف به عيوبه
.
.
.
.
.
.
وش لك بشعري دامني دايم اقول = ماللقصايد في حضورك عذوبه
يارب ترزقني رضاها على طول = ويارب عفوك والأجر والمثوبه