ليا جتـك طعنـات الاصاحيـب باليـدّ=طعنـات عـرق ٍ تكنـزه ثـم تشـده
ياشينهـا وانـا مشـاويـري عـقـدّ=ماهـي مـزوح ولا كــلام ٍ تــرده
يوم ان قلبـي يفـرش الـورد والـودّ=وانـت الضغينـه داخلـك مستـجـده
حتـى الجمالـه مالهـا فـزوع تنعـدّ=وماتـت معاريـف الزمـن والمـكـده
ويبست غصون الصدق باليوم الاسـودّ=والضيـق معبـر بيـن مـده و مـده
مخطي نعـم مخطـي ولاجيتـك بصـدّ=مسامحك لـو سيفـك ذبحنـي بحـده
سعد النفج