[طلال الايداء]

تعبت انا اكبّت لين صار الشعر شيب = عجزت اشيل من التعب كل عله
يالله يامنجاي ياعالم الغيب = ياللي على امرك يمشي الكون كله
انت الأله ولابها شك" وريب = يامنذر عبادك برسل وادله
سبحانك اللي لادعيناله يجّيب = ماغيرك اللي مستضلين ضله
يارب جنبني دروب العذاريب = ويالله غفرانك على كل زله
ويارب تسترني من العار والعيب = ويارب ثبتني على خير مله
ياللي مقّدر كل شي بمكاتيب = لولاك ياربي نعيش المذله
سبحانك اللي ننحني له مطاليب = وسبحان من سبح له الكون كله
تشفي جروح" بين صدري معاطيب = ابطيت ودمعي كل ليل" اهله
يالله يامنجاي يا عالم الغيب = يارب غفرانك على كل زله