قلبـي وليـل البارحـه والهواجيـس=عادن حياتي للـوراء عشـرة اعـوام
سرابي الهاجس لعهد امـرؤ القيـس=وذياب بـن غانـم وساجـر وهمـام
وفكري شدأ وأطلق سراح المحابيـس=بأرض الخيال اللي لهـا رَز الاعـلام
حي السهر مـادام نومـي كوابيـس=وحي الخيال اليا اصبح الواقع اوهـام
هذا الشقى ماهـو جديـد المراويـس=معنا نمى وأهـدى لنـا ظيـم الأيـام
من يوم أبونا آدم همس بأذنه ابليـس=وحنّا نشيـل ذنـوب وهمـوم وآثـام
واللي وضع للكون عـدل المقاييـس=له في تناقض صنعته شئون واحكـام
سبحان من بالنفس حـط الوساويـس=ووضع لها حرزٍ عن اضغاث الاحـلام
من كلّفك تيقـض جـروحٍ مداريـس=وش لك بكسر العِود من بعد الأصرام؟!
حنّا بشر دم0 ومشاعر0 واحاسيـس=كل الفـوارق بيننـا بصمـة ابهـام
الشاعر الرائع : صالح الضويحي ..