[محمد خلف الزايدي]

[quote=محمد العاند;266909]السلام عليكم ورحمة الله وبركاته

اخوني الاعزاء في منتدى ويلان الشامخ اضع بين ايديكم هذه المتواضعه لعلني اصل لذائقتكم

بين ما يلقى من الشعر ويقال= منهجي دايم على النهج الفريد
شاعرٍ لا قال لاحساسه تعال = كن بحر الشعر يرسل له بريد
وما ادعيت انى على حد الكمال= لاكن اميز احروفي بالقصيد
ما يموت الشعر بصدور الرجال= الشعر موته على صدر البليد
ما وردت الا على نبع الزلال= ولا قطفت الا من الطلع النضيد
وكل ماهبت هبوب من شمال= تلعب الافكار بالراس العنيد
واسأل الماضي عن الحاضر سؤال= وش يفيد الدرس الاول والجديد ؟
ليت ماضينا يعود له مجال= كان حاضرنا مخلينا عبيد
ماانهزم فينا التحدى والنزال=لاكن ابلشنا القريب والبعيد
ندرس التوحيد ونعرف الحلال= بس تجبرنا المصالح نستفيد
والمطامع طيب حال وجمع مال= واكبر الابطال باكبرهم رصيد
الله اكبر كل من يلبس عقال= ينتخي بالدين وسلاحه جريد
واقع الامه تحت وطء احتلال = وامتلكها الغرب بالعلم الأكيد
مابقي ذروة سنام ولا جمال= والمجاهد ما يسمونه شهيد
والفتن من كل صوب وكل جال= وزارع الفتنه يبى يجنى الحصيد
والقصايد وقعها دون انفعال= والفعايل لا تعيد ولا تفيد
من هو الي جر الامه للزوال = يابني يعرب اما فيكم رشيد ؟
ومن هو الي رسم دروب الضلال= ومن هو الي بالنهايه مستفيد؟
راية التوحيد رايه لا تزال = راية الاسلام عنها ما نحيد
لاغلو ولا فسوق ولا جدال= وراي ابو متعب هو الراي السديد
سايقن فكره على ابعد من خيال= والنظر قدام والنظره بعيد
امتلك سيف الشجاعه والعدال= وهو ذرى الامه ليا حمي الحديد
المليك الي وقف فيكم وقال= وحدوا صف العروبه من جديد
ياحماة الا رض واصحاب الجلال= ابنوا الامجاد من مجدن تليد
مثلما قصة كليبا والغزال= يوم خلا الصيد يصطادو لبيد
والمهلهل حينما صال وجال= ثارت الهيجاء من الفعل الشدي
لو تثور العرب من سبة مقال= كان لغمت القصايد والنشيد

صح لسانك قصيده جزله من شاعر مبدع

سلمت اناملك على هالطرح الرائع


تحيه طيبه لك