اقتباس:
المشاركة الأصلية كتبت بواسطة مرزوق نومان
يالله ياللي في رجاك العبد لايمكن يخيب=ياوحدن مركع ولا اسجد غير لك ياذا الجلال
يالله تجعل لي مع اهل الطيب بالطيب نصيب=ياحي ياقيوم يامرسي شواهيق الجبال
والبارحه في زحمة الافكاروالليل الرهيب=والهاجس اللي جابته تطويه صفحات الخيال
قمت اشتري وابيع بالافكاروودي واجيب=والقول غير الفعل والدنيا نهايتها الزوال
والهاجس اللي مرني ماهو على مثلي غريب=كم مرتن غنيت له بين الطرب والانفعال
دايم مرافقني وهو في قلبي اقرب من قريب=حبيته وسميته المحبوب والسهل المحال
والشعردايم من صفات الطيب للعقل اللبيب=ولاهوبشي سهل شي بالسهوله ماينال
والشمس تشرق شرق لاكن تتجه غرب وتغيب=والصبح ترجع والاجابه نفسها نفس السؤال
والليل رقم انه بتفكيري مثل عقل الاديب=لولا نجومه والقمرمافيه شي من الجمال
والفقر عمره لايهين ولايدين ولايعيب=لاكن على ماقالت الامثال هو ذيب الرجال
والشرع ماحلل دمانا للمخرب والكئيب=والخاسي اللي مايميزبالحرام من الحلال
وجروحنابالوقت مهما طالت المده تطيب=الاثلاث جروح مابين المحاني لاتزال
لايمكن انساها ولايمكن يعالجها طبيب=ولاظنها ترحل وتتركني ولافيه احتمال
الاوله سبت رسول الله وهوماهوسبيب=اطهر بشر وازكى بشرمافيه شك ولاجدال
والثانيه خبث الخبيث النذل ملعون الصليب=يضيق صدري كل ماجابو لما سوى مجال
والثالثه منها يشيب الراس قدام المشيب=ليه اختطاف الطفله اللي ماوراها راس مال
دنيا العجب ياكثرمافيها من الشي العجيب=دنيا تغر الجاهل وترميه في درب الظلال
وبن ادم المسكين مره يخطي ومره يصيب= ولافيه شي الا ولحقه نص لله الكمال
[/poem]
|
أخي مرزوق النومان,,
صح لسانك على هالطرح الجميل !!
والبارحه في زحمة الافكاروالليل الرهيب=والهاجس اللي جابته تطويه صفحات الخيال
×××××××××××××=××××××××××××××××
اخذني الهاجوس سجه وبي راج = فلّ الشريط المنطوي من سنيني
اخي مرزوق فعلا الهواجيس تبحر في اصحابها في غياهب بحور وامواج خياليه
لايحس بها إلآ من يجيد السباحه من خلالها ويصارع امواجها العاتيه ,
صح لسانك مرةٌ اخرى
وتقبل تقديري واحترامي