(نار السهر)
لياغفت نـار السهـر للتعاليـل.
وتلحفـت روح المولـع دفـاهـا
فلي معي سجادة البـوح والليـل
لقلوبنا وعشـقٍ يعيـش بذراهـا
وتقهوي من دلال شعري فناجيـل
وهزي عذوقه و يتساقـط حلاهـا
ابي اشعل حروف الغلا لك قناديل
تمطر على ذوقك سحابة ضياهـا
الشعر بغيابك صدى لآهة الويـل
من لهفةٍ خايف تمـوت بظماهـا
ما هي كلام استهلكتـه الأقاويـل
ولا هي عبـاراتٍ واردد صداهـا
مشتاق يا همس الشفاه المثاميـل
لرشة عطر عذب الحروف وشذاها
مع كل داعي للعدل هاتـي الميـل
وهاتي قبل طعنة رماحـك دواهـا
خليني احلـم والليالـي المقابيـل
الله عليـم بمـا يكنـه خفـاهـا
ابيات جزله من شاعر جزل الف شكر وتحيه لخوي علي السابل