[الجضيعي]

بسم الله الرحمن الرحيم

طريد لكنه من الذات للذات=طليق لكنه بوسط الحنايا
يحكم مواثيق الغلا والملذات=واليا حكم سواء بقلبي سوايا
الماضيات من التجارب معه جات=والمقبلات من السنين العطايا
يستشعر الآمال ويقرر آلات=ويسوقني سوق الدلال الملايا
يبهر دلال الغلا بالمسرات=ويذوب لي وسقيه كل الخفايا
يزعل ويسقيني مواجع وحسرات=ويرضى ويجمعني خجل ويتحايا
ويضمني برموش خرسٍ جريات=ويحطني بين الجمر والشفايا
جمرٍ على ثلجٍ ومن بينهن بات=مثلي وأنا محسوب ضمن الضحايا
أستشعره يا غاب وقضيه سجات=وبروزه بدموع عينٍ سرايا
جيته وأنا كلي قصايد وعبرات=وأقفيت من عنده طعوني هدايا
أن أبتسم جاء للحنايا تنهات=وكأنه لمح بالخرس جاني بلايا
مغرور له حق يتباهى ويقتات=فيه الدلع والحسن وأحلا السجايا
لكن غروره زاد عن حد ما فات=وأنا عليم الله سابق وفايا
لكن صبري لو تطول المسافات=ما أرضى الطمان ولا لتفت للدنايا
عزي قديم من رجال المروات=يا بنت ما قلتيه سبب عنايا
أن كان قصدك هينت النفس هيهات=قصة غرامي سقتها للنهايا

خلف العنزي

.